लोकमान्य -एक युगपुरुष

लोकमान्य -एक युगपुरुष । परिणामकारकतेच्या पट्टीवर 10 पैकी 10 .....दिग्दर्शकाच्या नजरेतून टिळक आणि 100 वर्षानंतरही त्यांच्या विचारांचा relevance, सध्याच्या परिस्थितिशी त्याची घातलेली सांगड बऱ्याच प्रमाणात यशस्वी.सुंदर नाजूक बालगंधर्व केल्यानंतर जहाल विचारांचे भारदस्त व्यक्तिमत्वाचे टिळक सुबोध भावे ने शरीरयष्टी बरोबरच डोळ्यातून अप्रतिम साकारले आहेत.नुसत्या नजरेतून कठोर ठाम ज्वलंत विचार पोहोचवण्यात १००% यशस्वी .चिन्मय मांडलेकर अतिशय गुणी आहेच पण ह्या चित्रपटात सध्याच्या काळातील प्रातिनिधिक मकरंद , त्याची तळमळ पोट तिडीक ,अस्वस्थता ,दोलायमान अवस्था त्याने खूप छान दाखवली आहे.बरेचसे प्रसंग हे ओढून ताणून आणलेत असं वाटलं असतं ते केवळ चिन्मय मुळे सहनीय झालेत.

निर्मितीमूल्य ,मागच्या काळातील कला दिग्दर्शन उत्तम. पोवाडा आणि बाकीची गाणी श्रवणीय आणि स्फूर्तीदायक ..एक थोडी खटकलेली गोष्ट म्हणजे आपल्याकडील चरित्रपट्आत नायकाला देवत्व बहाल करूनच पडद्यावर दाखवलं जात तसाच काही प्रमाणात इथेही झालं आहे ....त्यामुळे माणूस म्हणून टिळक जास्त समजत दिसत नाहीत ...खगोल तज्ञ,गणिती,जहालमतवादी आणि असे अनेक पैलू असलेल्या व्यक्तिमत्वाला अडीच तासात न्याय देणं खूप कठीण आहे पण ते दिग्दर्शक ओम राऊत ने पेललं आहे ...चरित्रपट हा documentry न होता एक उत्तम व्यावसायिक चित्रपट झाला तर त्यातून पोहोचणारा संदेश नक्की दूरगामी असतो हे ओम राउत ने जाणून आजच्या प्रेक्षकांना आवडेल भावेल असा एक्शनपट बनवला आहे.....

आणि हो ..नाना पाटेकरची Introduction आणि पडद्यावर तेव्हा दिसणारी चित्र निव्वळ सुंदर

एकूणच एक रोमांचक रंजक अनुभव

शेंगा टरफल गणेशोत्सव ई. च्या पलीकडे नेणारा हा चित्रपट नक्की बघा .....***१/२